Калі ў Fabula Branding звярнуўся лакальны вытворца з горада Ганцавічы, за яго плячамі ўжо быў досвед: гады стараннай працы, аптовыя продажы ягад, разуменне свайго прадукту і ўменне працаваць з зямлёй. Але будучыня патрабавала новага падыходу.

Патрэбна было стварыць брэнд з нуля — жывы, сучасны і душэўны. Той, які будзе распавядаць гісторыю не толькі пра прадукцыю, але і пра каштоўнасці, пра Беларусь, пра сэнс. Бренд, які натхняе давяраць мясцоваму, выбіраць натуральнае і адчуваць смак жыцця праз простыя рэчы.

Гэты нэйм — пра павагу да сваёй зямлі і яе багацця. Роднае — значыць, што ягада нарадзілася тут, на сваёй зямлі, сярод сваіх людзей. Прыроднае — тое, што не патрабуе тлумачэння: чыстае, натуральнае, любімае. Разам гэтыя два словы ствараюць глыбока эмацыйны, аўтэнтычны вобраз — брэнд, якому хочацца верыць. Назва «Роднае прыроднае» — пра нешта простае, што сагравае, пра сапраўднасць, якой нам часам не хапае.

Гэта заклік клапаціцца пра сябе з усмешкай, без націску. Ён лёгка запамінаецца і гучыць быццам прымаўка, што перадаецца з вуснаў у вусны. 

Голас брэнда — шчыры і сяброўскі. Ён не вучыць, не падказвае зверху, а гаворыць на роўных. Гаворыць як добры настаўнік або сусед, які падзеліцца рэцэптам, раскажа, як захаваць здароўе праз простыя звычкі і смачныя традыцыі.